Tərbiyəçi-müəllimlər üçün üçüncü təlimlər sessiyası

Azərbaycan Respublikasının Təhsil İnstitutunun icra etdiyi “İcma əsaslı məktəbəqədər təhsilin inkişafı” layihəsi çərçivəsində 2020-21-ci tədris ilində fəaliyyət göstərəcək yeni İcma əsaslı Təhsil Qruplarında çalışacaq tərbiyəçi-müəllimlər üçün onlayn təlimlər keçirilib. Bu artıq cari təhsil ilində yeni tərbiyəçi-müəllimlər üçün üçüncü belə təlimlər sessiyasıdır.

Təlimlərin əsas məqsədi tərbiyəçi-müəllimləri layihə və məktəbəqədər təhsil barədə müvafiq mövzularda maarifləndirməkdir.

Fevralın 17-dən etibarən keçirilən onlayn təlimlərə 196 yeni tərbiyəçi-müəllim cəlb edilib. Onlayn təlimlərdə müxtəlif foto, video materiallar və eləcə də, təqdimatlardan istifadə olunur və hər bir təlim ortalama 2,5-3 saat davam edib.

Təlim mövzuları ilə aşağıdakı siyahıda tanış ola bilərsiniz:


1) Məktəbəqədər təhsildə oyunun əhəmiyyəti, davranışa təsiri.

· Təlimçi: Aynur Bünyatova - Psixologiya üzrə fəlsəfə doktoru olan Aynur Bünyatova, eləcə də 3 kitab və bir çox elmi məqalə müəllifidir.


2) Valideynlərlə işin, sıx münasibətin qurulması və çətinliklərin aradan qaldırılması yolları.

· Təlimçi: Svetlana Mustafayeva – Erkən yaş inkişafı üzrə mütəxəssis.


3) İcma əsaslı məktəbəqədər təhsil mərkəzlərində ilkin tibbi yardım və təhlükəsizlik.

· İlham Əmirov – Həkim-terapevt, “İlkin tibbi yardım” üzrə mütəxəssis.


4) Kuklalarla iş və kuklaların uşaq inkişafında rolu.

· Qurban Mənsimov –Azərbaycan Respublikasının əməkdar artisti, Azərbaycan Dövlət Kukla Teatrının baş rejissoru, aktyor, rəssam.

· Aynur Zərrintac - Ritual Mobil Teatr Laboratoriyasının təsisçisi. “Opressed Theater” və azyaşlılar üçün Art Terapeya mövzularında mütəxəssis.












1/4

© 2021 by İcma əsaslı Məktəbəqədər Təhsilin İnkişafı