Layihə haqqında
Layihə erkən yaşda təlimin uşağın sosial-emosional, kiçik və böyük motor və intellektual bacarıqların yaxşılaşmasına müsbət təsir etməsini, onun məktəbdəki akademik göstəricilərinə və gələcəkdə əmək bazarında uğur qazanmasına zəmin yaratmasını nəzərə alaraq həyata keçirilir.
2017-ci ildə Avropa İttifaqının Azərbaycan Nümayəndəliyi və UNICEF Azərbaycanın maliyyəsi ilə ölkənin 10 şəhər və rayonunda 50 ümumtəhsil məktəblərinin nəzdində fəaliyyət göstərən icma əsaslı məktəbəqədər təhsil qrupu olaraq fəaliyyətə başlayıb. Uğurlu nəticələr göstərən layihə Azərbaycan Respublikasının Birinci vitse-prezidenti Mehriban Əliyevanın təşəbbüsü ilə Heydər Əliyev Fondunun maliyyə dəstəyi sayəsində daha da genişlənib və hazırda 55 şəhər və rayonda fəaliyyət göstərən 850 icma əsaslı məktəbəqədər təhsil qrupu sayına çatıb.
Layihə Təhsil Nazirliyinin dəstəyi ilə ARTİ tərəfindən icra olunur.
Layihə, 3-5 yaşlı uşaqların dörd inkişaf sahəsini əhatə edən bacarıqların artırılması, İcma əsaslı məktəbəqədər təhsil mərkəzlərinin yaradılması , valideyn birliklərinin yaradılması və məktəblə birgə əməkdaşlıq nəticəsində ibtidai təhsilin keyfiyyətini artırmaqdan ibarətdir. Həmçinin, layihə, məktəbəqədər və ibtidai təhsil səviyyələrində vətəndaş iştirakını təmin etməklə, Azərbaycanın əlverişsiz kənd icmalarında daha keyfiyyətli təhsil xidmətlərinə nail olmaq məqsədini daşıyır. Burada, əsasən vətəndaş cəmiyyətinin məktəbəqədər təhsil xidmətləri göstərməsində potensialının və iştirakının gücləndirilməsi, həmçinin valideynlərin təhsil xidmətlərinin idarə edilməsində və monitorinqində iştirakını dəstəkləyir.
Mərkəzlərdə 3-4 yaşlı uşaqlar üçün məktəbəqədər təhsil üzrə hər biri 2-2,5 saat olmaqla həftədə 4 dəfə dərslər təşkil olunur*. Dərslər yerli və eston mütəxəssislərdən ibarət işçi qrupu tərəfindən hazırlanmış proqram əsasında keçirilir. Proqram uşaqların 4 inkişaf sahəsini əhatə edir: sosial-emosional inkişaf, idrak və ümumi bilik, yaradıcı inkişaf və fiziki inkişaf.
*Ölkə ərazisindəki xüsusi karantin rejimi ilə bağlı dəyişikliklər ola bilər.
Layihənin iki əsas məqsədi var:
-
İcma əsaslı qruplar vasitəsi ilə nəzərdə tutulmuş regionlarda (hədəf regionlarda) 3-5 yaşlı uşaqların məktəbəqədər təhsildə iştirakını artırmaq.
-
Hesabatlılıq və şəffaflığı təmin etmək məqsədi ilə valideynlərin təhsil prosesinin monitorinqdə fəal iştirakı nəticəsində məktəb-icma əlaqələrinin gücləndirilməsi.
İcma əsaslı məktəbəqədər təhsil mərkəzləri
2021-22-ci tədris ilində 349 yeni icma əsaslı məktəqəbəqədər təhsil qrupu fəaliyyətə başlayacaq. Bununla da ümumilikdə respublikanın 55 şəhər və rayonunda 849 qrup fəaliyyət göstərəcək. Ötən tədris ilində bu rəqəmlər 50 şəhər və rayon, 500 qrup idi.
Aşağıdakı keçiddən istifadə edərək, layihə çərçivəsində
fəaliyyət göstərən bütün qruplarının yerləşdiyi şəhər, rayon, kəndlərin, siyahısı ilə tanış ola bilərsiniz.
