18-19 noyabr tarixlərində “İcma Əsaslı Məktəbəqədər Təhsil” layihəsi çərçivəsində 55 rayonda fəaliyyət göstərən 750 nəfərdən çox tərbiyəçi-müəllim üçün peşəkar inkişaf yönümlü təlimlər keçirilib.
Təlimlər regionlar üzrə 46 mərkəzdə təşkil olunmaqla, 12 akademik saatı əhatə edib.
Təlimlər məktəbəqədər təhsil sahəsində əhəmiyyətli olan 6 mövzudan ibarət olub:
Erkən uşaq inkişafı və onun əhəmiyyəti
Tədris proqramı və guşələrlə iş
Sinfin idarə olunması
Uşaqlarda sağlamlıq və gigiyena qaydaları
İnkişaf dinamikası – qiymətləndirmə
Valideynlərlə Əməkdaşlıq
“İcma Əsaslı Məktəbəqədər Təhsil” layihəsi 2017-ci ildən etibarən Azərbaycanda fəaliyyət göstərməkdədir. Layihənin əsas məqsədləri 3-5 yaşlı uşaqların erkən təhsilə əlçatanlığının artırılması, məktəbəqədər təhsilin təşkilində valideynlərin təhsil xidmətlərinin idarə olunmasında və monitorinqində fəal iştirakını təmin etməkdir.